शिरपूर : शहराला हादरवून सोडणारी अत्यंत गंभीर घटना उघडकीस आली असून, अवघ्या तीन वर्षांच्या चिमुकलीवर अनैतिक अत्याचार झाल्याचा प्रकार समोर आला आहे. या प्रकरणी पोलिसांनी तत्काळ हालचाल करत संशयित सोनू उर्फ कुणाल श्रीधर देसाई (रा. शिरपूर) यास अमळनेर येथून अटक केली आहे. पोलिसांच्या जलद कारवाईमुळे नागरिकांमध्ये काहीसा दिलासा निर्माण झाला आहे.
घटना कशी उघडकीस आली?
मिळालेल्या माहितीनुसार, ६ फेब्रुवारी रोजी हा प्रकार घडल्याचा संशय आहे. त्यानंतर काही दिवसांनी चिमुकलीच्या तब्येतीत बिघाड जाणवू लागला. वैद्यकीय तपासणीनंतर संशय अधिक बळावला. दरम्यान, १७ फेब्रुवारी रोजी संशयित व्यक्ती परतल्यानंतर चिमुकलीने इशाऱ्यांद्वारे घडलेला प्रकार दर्शविल्याने कुटुंबीयांनी तात्काळ पोलिस ठाण्यात धाव घेत तक्रार नोंदवली.गुन्हा दाखल, आरोपी जेरबंद
तक्रार प्राप्त होताच पोलिसांनी वेगाने तपास सुरू केला. आरोपीविरुद्ध पॉक्सो (POCSO) कायद्यान्वये गंभीर गुन्हा दाखल करण्यात आला आहे. आरोपी हा महाराष्ट्र राज्य मार्ग परिवहन महामंडळच्या शिरपूर आगारात कर्मचारी असल्याची माहिती समोर आली आहे. पोलिसांनी सापळा रचून त्याला अमळनेर येथून ताब्यात घेतले.
प्रशासनाचा समन्वयित प्रतिसाद
या संवेदनशील प्रकरणात पोलिसांसह आरोग्य विभाग व बालकल्याण यंत्रणाही सक्रिय झाल्या आहेत.पीडित चिमुकलीवर आवश्यक वैद्यकीय उपचार सुरू आहेत.समुपदेशन व मानसिक आधाराची व्यवस्था करण्यात येत आहे.कुटुंबास कायदेशीर मार्गदर्शन व संरक्षण देण्यात येत आहे.पुढील तपास सुरूया प्रकरणाचा पुढील तपास सुरेश सोनवणे (पोलीस उपनिरीक्षक) करीत असून, पुरावे संकलन व साक्षीदारांचे जबाब नोंदविण्याची प्रक्रिया सुरू आहे. दोषींना कठोरात कठोर शिक्षा व्हावी यासाठी पोलिस प्रयत्नशील असल्याचे सांगण्यात आले.
मुख्य संपादक – गणेश दगा पाटील.
