शिरपुर शहरात शांतता व सुव्यवस्था अबाधित राखण्यासाठी धुळे पोलिसांनी कडक पावले उचलण्यास सुरुवात केली असून, त्याचाच एक भाग म्हणून स्थानिक गुन्हे शाखेने मोठी कारवाई करत देशी गावठी कट्टा बाळगणाऱ्या आरोपीला अटक केली आहे.
धुळे जिल्ह्याचे पोलीस अधीक्षक श्रीकांत धिवरे यांनी महानगरपालिका निवडणुकीच्या पार्श्वभूमीवर अवैध धंदे व बेकायदेशीर शस्त्रांवर कठोर कारवाई करण्याचे आदेश दिले होते. या निर्देशानुसार स्थानिक गुन्हे शाखेने सक्रिय मोहीम राबवली.
दि. ६ एप्रिल २०२६ रोजी मिळालेल्या गोपनीय माहितीच्या आधारे, एलसीबी पोलीस निरीक्षक श्रीराम पवार यांच्या नेतृत्वाखालील पथकाने मुंबई-आग्रा महामार्गावरील नगावबारी येथील हॉटेल साई किशनजवळ सापळा रचला. यावेळी राहुल पांडुरंग पाटील (वय २९, रा. वरवाडे, ता. शिरपूर, जि. धुळे) हा इसम संशयास्पद हालचाली करताना आढळला.तपासणीदरम्यान आरोपीकडून देशी बनावटीचा गावठी कट्टा (पिस्टल) मॅगझीनसह आणि एक जिवंत काडतूस असा एकूण ₹४१,००० किंमतीचा मुद्देमाल जप्त करण्यात आला. आरोपी हा परिसरात दहशत माजविण्याच्या उद्देशाने हे शस्त्र बाळगत असल्याची प्राथमिक माहिती समोर आली आहे.या प्रकरणी पश्चिम देवपूर पोलीस ठाण्यात गुन्हा क्रमांक ९७/२०२६ नोंदवून भारतीय शस्त्र अधिनियम १९५९ च्या कलम ३/२५ अन्वये गुन्हा दाखल करण्यात आला आहे.ही कारवाई यांनी केली पोलीस अधीक्षक श्रीकांत धिवरे व अपर पोलीस अधीक्षक अजय देवरे यांच्या मार्गदर्शनाखाली स्थानिक गुन्हे शाखेचे पोलीस निरीक्षक श्रीराम पवार, पोउनि. चेतन मुंढे तसेच अंमलदार पवन गवळी, आरीफ पठाण, राहुल सानप, देवेंद्र ठाकुर व मयूर पाटील यांच्या पथकाने यशस्वीरीत्या पार पाडली.
मुख्य संपादक – गणेश दगा पाटील.
