शिरपुर पळासनेर मुंबई-आग्रा राष्ट्रीय महामार्गावरील बिजासन घाट परिसरात पळासनेर शिवारात आज पहाटे साडेचारच्या सुमारास दोन भरधाव ट्रकांमध्ये भीषण अपघात घडला. या घटनेत एकाचा जागीच मृत्यू झाला असून दोन जण गंभीर जखमी झाले आहेत. अपघातात अंदाजे ७० पेक्षा जास्त बकऱ्या देखील मृत्युमुखी पडल्या आहेत.
अपघाताची माहिती मिळताच स्थानिक पोलिसांनी आणि आपत्कालीन सेवा घटनास्थळी दाखल होऊन घटनास्थळावरून मृतकाचा मृतदेह आणि जखमींना तातडीने जवळच्या रुग्णालयात हलवले. वाहतुकीसाठी बंद झालेला महामार्ग काही काळासाठी उघडण्यात आला असला तरी, या भीषण अपघातामुळे मोठ्या प्रमाणात वाहतूक कोंडी निर्माण झाली होती.
सदर ट्रकांची भरधाव गती आणि काळजी न घेणे हे अपघाताचे प्राथमिक कारण मानले जात आहे. अपघाताबाबत अधिक तपास पोलिसांनी सुरु केला असून, ट्रक चालकांवर आवश्यक कायदेशीर कारवाई केली जाणार आहे.
मुख्य संपादक – गणेश दगा पाटील.
