शिरपूर | प्रतिनिधी
राज्य उत्पादन शुल्क विभागाने शिरपूर तालुक्यातील जामन्यापाडा शिवारात बनावट देशीदारू तयार करणाऱ्या कारखान्यावर धाड टाकून मोठी कारवाई केली. या कारवाईत तब्बल ₹8 लाख 47 हजार 400 रुपयांचा मुद्देमाल जप्त करण्यात आला असून मुख्य आरोपी घटनास्थळावरून पसार झाला आहे.
मा. श्री. राजेश देशमुख साहेब, आयुक्त राज्य उत्पादन शुल्क, महाराष्ट्र राज्य मुंबई, मा. श्री. प्रसाद सुर्वे साहेब, सह आयुक्त (अं.व.द.), मा. श्रीमती यु.आर. वर्मा मॅडम, विभागीय उप आयुक्त, नाशिक विभाग, नाशिक तसेच श्रीमती स्वाती काकडे मॅडम, अधीक्षक राज्य उत्पादन शुल्क, धुळे यांनी बनावट मद्य निर्मिती व विक्री रोखण्यासाठी कठोर कारवाई करण्याच्या सूचना दिल्या होत्या. त्या अनुषंगाने ही धडक कारवाई करण्यात आली.
राज्य उत्पादन शुल्क विभागाचे निरीक्षक देविदास नेहूल यांना गुप्त बातमीदारामार्फत माहिती मिळाली की, ग्रामपंचायत न्यू बोराडी अंतर्गत जामन्यापाडा शिवारात मच्छिंद्र तारासिंग पावरा यांच्या झोपडीवजा घरात काही इसम बनावट देशीदारू तयार करत आहेत.
माहितीची खातरजमा करून दोन पंचांसमक्ष पथकाने छापा टाकला असता घटनास्थळी मोठ्या प्रमाणावर बनावट दारू व साहित्य आढळून आले. यामध्ये —टँगो पंच 90 मिलीच्या 300 सीलबंद बाटल्या450 लिटर तयार बनावट देशीदारू12 हजार रिकाम्या बाटल्या500 लिटर शुद्ध मद्यार्क (स्पिरीट)5 हजार जिवंत बुचे300 रिकामे खोके20 प्लास्टिक ट्रे दोन कॅप सीलिंग मशीन स्पिरीट वासाचे प्लास्टिक केन बोलेरो पिकअप वाहन असा एकूण ₹8,47,400/- किमतीचा मुद्देमाल जप्त करण्यात आला.दरम्यान, पथक घटनास्थळी पोहोचताच आरोपी राजेश पावरा व त्याचा साथीदार अंधाराचा फायदा घेत फरार झाले.या प्रकरणी महाराष्ट्र दारुबंदी अधिनियम कलम विविध अन्वये गुन्हा दाखल करण्यात आला असून फरार आरोपींसह साहित्य पुरवठादारांचा शोध सुरू आहे.
ही कारवाई निरीक्षक देविदास नेहूल यांच्या नेतृत्वाखाली जवान काशिनाथ गोसावी, प्रतीकेश भामरे, वाहन चालक रविंद्र देसले यांनी केली. तसेच सीमा तपासणी नाका हाडाखेड येथील दुय्यम निरीक्षक मुकेश पाटील, जवान संतोष निकम, एम.पी. म्हस्के, हेमंत पाटील व वाहन चालक निलेश मोरे यांनी सहकार्य केले.
सदर गुन्ह्याचा पुढील तपास अधीक्षक स्वाती काकडे मॅडम यांच्या मार्गदर्शनाखाली निरीक्षक देविदास नेहूल करीत आहेत.
मुख्य संपादक – गणेश दगा पाटील.
