धुळे जिल्ह्यातील थाळनेर पोलीस ठाण्याच्या हद्दीत येणाऱ्या पिळोदा गावात एका 62 वर्षीय किराणा व्यवसायीचा निर्घृण खून करण्यात आल्याची धक्कादायक घटना समोर आली आहे. गोपालसिंग बाबू सिंग परदेशी, असे मृत व्यक्तीचे नाव असून, ते गावात एकटे राहत होते.
प्राथमिक माहितीनुसार, शेजारी राहणाऱ्या आकाश पवन इच्छे (वय २२) याने धारदार शस्त्राने गळा चिरून गोपालसिंग यांचा खून केला. ही घटना रात्रीच्या सुमारास घडली असून, आरोपी नंतर गावातून फरार झाला आहे. पोलिसांकडून सध्या आरोपीचा शोध घेण्यासाठी विशेष पथकाची स्थापना करण्यात आली आहे.पोलिसांनी घटनास्थळी तात्काळ तपास सुरू केला असून, फरार आरोपीला लवकरात लवकर अटक करण्यासाठी प्रयत्न सुरू आहेत.
मुख्य संपादक – गणेश दगा पाटील.
