शिरपूर तालुक्यातील अतिदुर्गम भागात बेकायदेशीररीत्या करण्यात आलेली गांजाची शेती शिरपूर तालुका पोलीस ठाणे आणि वन विभागाच्या संयुक्त पथकाने उद्ध्वस्त केली. या कारवाईत तब्बल ३ हजार ७२ किलो वजनाची कॅनॅबिस (गांजा सदृश्य) वनस्पतींची उभी पिके आढळून आली असून, त्यांची अंदाजे किंमत ७ कोटी ६८ लाख रुपये असल्याची माहिती देण्यात आली आहे. दिनांक १ सप्टेंबर २०२६ रोजी जामन्यापाणी वनक्षेत्रालगत आजूबाजूच्या परिसरात अज्ञात इसमांनी कॅनॅबिस वनस्पतीची लागवड केल्याची गोपनीय माहिती वन विभाग व पोलीस निरीक्षक जयपाल हिरे, प्रभारी अधिकारी, शिरपूर शहर पोलीस ठाणे यांना मिळाली. त्यानंतर ही माहिती धुळे येथील मा. मुख्य न्याय दंडाधिकारी यांच्याकडे सादर करण्यात आली. NDPS कायदा १९८५ मधील कलम ५२अ नुसार दुर्गम भागातून गांजा वाहून आणणे शक्य नसल्याने, न्यायालयाच्या देखरेखीखाली मालमत्तेची यादी तयार करून मुद्देमाल नष्ट करण्यासाठी विशेष कार्यकारी दंडाधिकारी यांच्या छापा कारवाईसाठी नियुक्ती करण्यात आली. त्यानुसार २ सप्टेंबर २०२६ रोजी शिरपूर तालुका पोलीस ठाणे व वन विभागाने संयुक्तरीत्या अतिदुर्गम भागातील नियतक्षेत्र भोरखेडा, रोहिणी व खंबाळे परिसरात कारवाई केली. या भागातील सुमारे ९० गुंठे क्षेत्रावर मानवी मेंदूवर विपरीत परिणाम करणाऱ्या कॅनॅबिस वनस्पतीची बेकायदेशीर लागवड केल्याचे आढळून आले. कारवाईदरम्यान विविध ठिकाणी आढळलेल्या गांजाच्या पिकाची किंमत पुढीलप्रमाणे आहे : ८२८ किलो कॅनॅबिस वनस्पती — अंदाजे २ कोटी ७ लाख रुपये २ हजार १४४ किलो कॅनॅबिस वनस्पती — अंदाजे ५ कोटी ३६ लाख रुपये १०० किलो कॅनॅबिस वनस्पती — अंदाजे २५ लाख रुपये अशा प्रकारे एकूण ३ हजार ७२ किलो गांजाच्या वनस्पतींची किंमत ७ कोटी ६८ लाख रुपये असल्याचे नमूद करण्यात आले आहे. यापैकी जागेवरच गांजाच्या झाडांचा नाश करण्यात आला असून, १० गुंठे क्षेत्रातील सुमारे १०० किलो कॅनॅबिस वनस्पतींची झाडे पुढील कायदेशीर सोपस्कारासाठी जप्त करण्यात आली आहेत. छापा कारवाईदरम्यान हुक्का भिकला पावरा, रा. खंबाळे, ता. शिरपूर, जि. धुळे याचे नाव निष्पन्न झाले असून त्याच्याकडून वनपडत क्रमांक प्राप्त करण्यात आला आहे. या प्रकरणी शिरपूर तालुका पोलीस ठाण्यात विविध रित्या गुन्हा दाखल
सदर कामगिरी यांनी केली पोलीस अधीक्षक धुळे श्री. विशाल आनंद, उपवनसंरक्षक धुळे (प्रादेशिक) श्री. मोहन नाईकवाडी यांचे मार्गदर्शनाखाली व अपर पोलीस अधीक्षक श्री. अजय देवरे उपविभागीय पोलीस अधिकारी श्री. सुधीर पाटील / सहा. वनसंरक्षक श्री. राहुल घरटे यांचे उपस्थितीत मा. कार्यकारी दंडाधिकारी श्री. महेश साळुंखे,तहसिल कार्यालय शिरपूर शिरपूर तालुका पोलीस ठाणेचे पोलीस निरीक्षक श्री. जयपाल हिरे वन परिक्षेत्रीय अधिकारी-सांगवी श्री. विशाल दुसाणे श्री. कैलास सोनवणे श्री. सुनिल जोग/ श्री. किरण गिरवले पोउनि. मनोज कचरे / पोउनि. हेमंत खैरनार पोउनि. मिलींद पवार आणि शिरपूर तालुका पोलीस ठाणे व वनविभागाचे कर्मचारी अशांनी संयुक्तरित्या करण्यात आली आहे.
मुख्य संपादक – गणेश दगा पाटील.
