शिरपूर : प्रतिनिधी शिरपूर वरवाडे नगरपरिषद निवडणुकीच्या पार्श्वभूमीवर शहराचे राजकीय वातावरण दिवसेंदिवस तापत चालले असताना, एक नाव सर्वाधिक गाजत आहे— चिंतनभाई पटेल. तरुणाईपासून ते ज्येष्ठ मतदारांपर्यंत सर्वांचे लक्ष वेधून घेत, शहरात चिंतनभाईंच्या प्रचाराने अनोखा उत्साह निर्माण केला आहे. प्रचारसभा, पदयात्रा, घरभेटी आणि युवा संवाद सत्रांमुळे चिंतनभाईंचा प्रभाव झपाट्याने वाढताना दिसत आहे.
प्रचार दौऱ्याला जनसागराचा उत्स्फूर्त प्रतिसाद
शहरातील सर्व प्रभागांमध्ये चिंतनभाई पटेल यांच्या प्रचाराला मिळणारा प्रतिसाद पाहता, शिरपूरमध्ये युवा नेतृत्वाची नवी लाट उमटत असल्याचे स्पष्ट जाणवत आहे. त्यांच्या प्रत्येक रॅलीला तरुणांचा ‘जंगी जमाव’ पाहायला मिळत असून, अनेक तरुण त्यांच्या खांद्याला खांदा लावून प्रचारात सहभागी होत आहेत.
साधेपणा, थेट संवाद आणि तत्परता—या तीन बाजूंमुळे चिंतनभाई तरुणांमध्ये लोकप्रियता मिळवत असल्याचे दिसते. युवा मतदार त्यांना “खरा नेता, आपल्यातलाच नेता” मानत असून सोशल मीडियावरही चिंतनभाईंची जोरदार चर्चा सुरू आहे.
घराघरातून वाढते समर्थन : समस्यांच्या जाणिवेतून निर्माण होणारा विश्वास चिंतनभाईंच्या प्रचाराची सर्वात मोठी वैशिष्ट्य म्हणजे— थेट लोकसंपर्कावर आधारित प्रचार.
प्रत्येक प्रभागात ते घराघरात जाऊन नागरिकांच्या समस्या, अडचणी आणि गरजांची नोंद घेत आहेत. मायमाऊलींचे आशीर्वाद, ज्येष्ठ नागरिकांचे अनुभव आणि युवकांचे उत्साहपूर्ण स्वागत त्यांच्या प्रचाराला वेगळेच बळ देत आहे.
स्थानिक पातळीवरील मुद्दे, पाणी, रस्ते, स्वच्छता, शिक्षण सुविधा यासंबंधीची चर्चा करताना चिंतनभाई नागरिकांना “आपला माणूस” असल्याचा ठसा पाडतात.
विकासाचा ४० वर्षांचा वारसा—भविष्यासाठी नवी दिशा
चिंतनभाई पटेल हे स्वतःच्या कामाचा उल्लेख न करता, मागील चार दशकांपासून आमदार अमरीशभाई पटेल यांच्या नेतृत्वाखाली झालेल्या शिरपूरच्या सर्वांगीण विकासाची आठवण नागरिकांना करून देतात. पायाभूत सुविधा, उद्योग, शिक्षण, आरोग्य, सिंचन यामधील मोठमोठी कामे शहराचा चेहरा बदलणारी ठरली आहेत.
याच विकासाच्या भक्कम पायावर ते पुढील काळासाठी अधिक नियोजनबद्ध, आधुनिक आणि परिणामकारक प्रशासन उभे करण्याचा संकल्प व्यक्त करतात.
युवाशक्तीला प्राधान्य : शिक्षण, क्रीडा आणि पारदर्शकतेची हमी
मतदारांना उद्देशून बोलताना चिंतनभाई पटेल यांनी तरुणांसाठी खास उपक्रमांची घोषणाही केली—प्रत्येक वॉर्डात ग्रंथालये आणि अभ्यासिका विद्यार्थ्यांसाठी क्रीडा साहित्याची उपलब्धताना गरिकांच्या मूलभूत समस्यांचे तत्पर निवारण नगरपरिषदेच्या कामकाजात पूर्ण पारदर्शकता पाणीपुरवठा, रस्ते, ड्रेनेज व स्वच्छता यामध्ये शिस्तबद्ध सुधारणात्यांनी स्पष्टपणे सांगितले की, “शिरपूर हा माझा परिवार आहे; नागरिकांची आशा कधीही खोटी ठरवणार नाही.”
निवडणूक रंगणार अधिक चुरशीची! चिंतनभाईंचा प्रभाव वाढताच प्रतिस्पर्ध्यांमध्ये खळबळ
चिंतनभाई पटेल यांच्या प्रचाराला मिळणारा उत्स्फूर्त प्रतिसाद पाहता शहरातील राजकीय समीकरणे वेगाने बदलण्याची चिन्हे स्पष्ट दिसत आहेत. तरुणाईच्या पाठिंब्यामुळे त्यांच्या बाजूने हळूहळू मजबूत लाट निर्माण होत असल्याने प्रतिस्पर्ध्यांमध्ये खळबळ उडाली आहे.
शहरातील राजकारणात पहिल्यांदाच युवा नेतृत्व इतक्या ठामपणे, जोमाने आणि लोकसंग्रहातून पुढे येत असल्याची चर्चा सर्वत्र.
शिरपूरमध्ये चिंतनभाई पटेल यांच्या प्रचारामुळे निवडणूक आणखी रंगतदार व चुरशीची होण्याची शक्यता अधिक वाढली आहे. युवाशक्ती, विकासाचे वचन आणि नागरिकांच्या विश्वासाचा आधार या तिन्हीमुळे शिरपूरचे राजकीय वातावरण ‘चिंतनभाई’मय झाले आहे
मुख्य संपादक – गणेश दगा पाटील.
