शिरपूर (प्रतिनिधी) – शिरपूर तालुक्यातील झेंडे अंजन गावात रविवार, दि. ७ जुलै रोजी रात्री उशिरा मित्रांमध्ये झालेल्या भांडणातून एकाचा मृत्यू झाल्याची घटना घडली.
देविदास उर्फ देवा गुलाब बहिरम (रा. झेंडे अंजन) याचा त्याचा गावातील मित्र विकास विजय महाले याच्याशी काही कारणावरून वाद झाला. वाद विकोपाला जात विकास महाले याने देवाच्या डोक्यात दगड घालून गंभीर दुखापत केली.
जखमी अवस्थेत देविदास बहिरम यास तात्काळ धुळे येथील सिव्हिल हॉस्पिटलमध्ये उपचारासाठी दाखल करण्यात आले. मात्र उपचारादरम्यान त्याचा मृत्यू झाला.
पोलिसांनी दिलेल्या माहितीनुसार, देविदास बहिरम आणि विकास महाले हे दोघे मित्र होते. ७ जुलैच्या रात्री त्यांच्यात काही कारणावरून वाद सुरू झाला. हा वाद विकोपाला जाऊन विकास महाले याने देविदासच्या डोक्यात दगड मारला, ज्यामुळे देविदास गंभीर जखमी झाला.
जखमी अवस्थेतील देविदासला तातडीने धुळे येथील शासकीय रुग्णालयात (सिव्हिल हॉस्पिटल) उपचारासाठी दाखल करण्यात आले होते. मात्र, उपचारादरम्यान त्याचा मृत्यू झाला.
या प्रकरणी शिरपूर पोलीस ठाण्यात गुन्हा दाखल करण्यात आला असून आरोपी विकास विजय महाले यास पोलिसांनी अटक केली आहे. पुढील तपास शिरपूर तालुका पोलीस करत आहेत.
मुख्य संपादक – गणेश दगा पाटील.
