शिरपूर | प्रतिनिधी धुळे जिल्ह्यात शिरपूर येथे मानवी जीविताला धोका निर्माण करणाऱ्या बनावट देशी दारू व्यवसायाविरोधात शिरपूर शहर पोलिसांनी मोठी आणि धडाकेबाज कारवाई करत “टँगो पंच” नावाची बनावट देशी दारू तयार करणारा अवैध कारखाना उद्ध्वस्त केला आहे. या कारवाईत तब्बल ₹३ लाख १० हजार ४०० रुपयांचा मुद्देमाल जप्त करण्यात आला असून एका आरोपीला अटक करण्यात आली आहे. शिरपूर शहर पोलिसांच्या डी.बी. पथकाने नवे चांदसुर्या परिसरात ही कारवाई केली.
पोलीस निरीक्षक किशोरकुमार परदेशी यांना मिळालेल्या गुप्त माहितीनुसार वासर्डी रोडवरील एका संशयित घरावर पोलिसांनी छापा टाकला. यावेळी नितेंद्र पोपटराव पावरा (वय ३८, रा. नवे चांदसुर्या) हा बनावट देशी दारू तयार करताना रंगेहाथ आढळून आला. पोलिसांनी घराची कसून झडती घेतली असता मोठ्या प्रमाणात बनावट दारू तयार करण्यासाठी वापरण्यात येणारे साहित्य आढळून आले. यामध्ये स्पिरीटने भरलेल्या टाक्या, हजारो रिकाम्या “टँगो पंच” प्लास्टिक बाटल्या, बुच, स्टिकर्स, सिलबंद दारूच्या बाटल्या, इलेक्ट्रिक सिलिंग मशीन तसेच इतर साहित्याचा समावेश आहे. कारवाईदरम्यान पोलिसांनी — ४३५ लिटर स्पिरीट २२ हजार रिकाम्या बाटल्या ९० सिलबंद बाटल्या इलेक्ट्रिक सिलिंग मशीन स्टिकर्स, बुच, प्लास्टिक टाक्या, ट्रे व इतर साहित्य असा एकूण ₹३.१० लाखांचा मुद्देमाल जप्त केला. या प्रकरणी शिरपूर शहर पोलीस ठाण्यात गुन्हा दाखल करण्यात आला असून आरोपीला अटक करण्यात आली आहे. न्यायालयाने आरोपीला २२ मेपर्यंत पोलीस कोठडी सुनावली आहे सदरची कामगिरी पोलीस अधीक्षक धुळे श्री. विशाल आनंद, अपर पोलीस अधीक्षक अजय देवरे व उपविभागीय पोलीस अधिकारी, विश्वजित जाधव यांचे मार्गदर्शनाखाली शिरपूर शहर पोलीस ठाणेचे पोलीस निरीक्षक किशोरकुमार परदेशी, पोठनि. सुरेश सोनवणे, पोउनि दिपक कुशारे आणि पोलीस अंमलदार रविंद्र अखडमल, अतुल पाटील, सुनिल जावरे, योगेश दाभाडे, गोविंद कोळी, विनोद अखडमल, मनोज दाभाडे, मनोज महाजन, सचिन वाघ, आरीफ तडवी, सोमा ठाकरे, शांतीलाल पावरा, सुशिल पाटील, प्रशांत पवार, भटु साळुंके, मपोकों, अनिता पावरा, स्वाती शहा, चापोकों. विजय पाटील, होमगार्ड मिथुन पावरा, सुनिल पावरा व लखन भोई अशांनी केली आहे.
मुख्य संपादक – गणेश दगा पाटील.
