धुळे शहरातील देवपूर परिसरातील सावरकर पुतळा चौकात सराफा व्यापाऱ्यांवर पिस्तुलाचा धाक दाखवून दरोडा टाकणारी कुख्यात आंतरराज्यीय टोळी स्थानिक गुन्हे शाखेच्या पथकाने जेरबंद केली आहे. उत्तरप्रदेशातून आणलेल्या दोन्ही आरोपींकडून पोलिसांनी मुद्देमालासह सोन्याचे दागिने, कार, पिस्तुल आणि बनावट नंबर प्लेट्स जप्त केल्या आहेत.
घटना :
२३ जुलै २०२५ रोजी रात्री आठ वाजता व्यापारी विनय मुकेश जैन आणि त्यांचा सहकारी कर्षण रुपाभाई मोदी हे एस.टी. बसने धुळ्यात उतरले. सावरकर पुतळा चौकात आल्यानंतर काळ्या मोटारसायकलवर तिघेजण आले. त्यांनी हेल्मेट व मास्क घालून पिस्तुलाचा धाक दाखवला, गोळीबार केला आणि व्यापाऱ्यांकडील ३५०० ग्रॅम सोन्याचे दागिने व सोन्याच्या पावत्या असलेली बॅग हिसकावून पोबारा केला.
या प्रकरणी देवपूर पोलिस ठाण्याने अंतर्गत गुन्हा दाखल करण्यात आला.
तपास :
गुन्ह्यात आरोपींची कोणतीही ओळख नसताना पोलिसांनी धुळे शहरातील हजारो सीसीटीव्ही फुटेज तपासून संशयित वाहनांचे नंबर मिळवले. तपासादरम्यान आरोपी मुंबईमार्गे आल्याचे समोर आले. पुढील शोध घेतल्यावर ते प्रतापगढ (उत्तरप्रदेश) येथील असल्याचे निष्पन्न झाले.
तेथील स्थानिक पोलिसांच्या मदतीने व न्यायालयीन प्रक्रिया पूर्ण करून आरोपींना धुळे येथे आणण्यात आले.
अटक आरोपी :
१. मोहंमद शहरेवार मोहंमद इबरार खान (वय २४, रा. ग्राम बहरापूर, ता. मांधाता, जि. प्रतापगढ, ह.मु. वडाळा, मुंबई) २. दिलशान इमरान शेख (वय २१, रा. यहियापूर, ता. दिलीपपूर, जि. प्रतापगढ, ह.मु. कुर्ला, मुंबई)
दोन्ही आरोपी प्रतापगढ येथे खुनाच्या प्रयत्नाच्या गुन्ह्यात आधीच अटकेत होते. त्यांना २३ ऑगस्ट रोजी धुळे पोलिसांनी ताब्यात घेतले. चौकशीत त्यांनी गुन्ह्याची कबुली दिली.
जप्त मुद्देमाल :
२६२.८०० ग्रॅम सोन्याचे दागिने (किंमत ₹२४,५१,७००/-)
मारुती सुझुकी स्विफ्ट VDI कार (MH 15 EB 4516)
गावठी पिस्तुल व मॅगझिन
बनावट नंबर प्लेट्स (२)
मास्क, रुमाल, धारदार कटर
गुन्हेगारी पार्श्वभूमी :
शहरेवार खान याच्याविरुद्ध प्रतापगढ व प्रयागराज येथे दरोडा, खुनाचा प्रयत्न, चोरी, गँग अॅक्ट, हत्यार कायदा अशा गुन्ह्यांसह डझनभर गुन्हे नोंद आहेत.
दिलशान शेख याच्याविरुद्धही प्रतापगढ जिल्ह्यात विविध गंभीर गुन्हे दाखल आहेत.
पोलिसांचे यश :
ही कारवाई यांनी केली मा. श्री. श्रीकांत धिवरे, पोलीस अधीक्षक, धुळे व मा. श्री. अजय देवरे, अपर पोलीस अधीक्षक, धुळे यांच्या मार्गदर्शनाखाली स्थानिक गुन्हे शाखा, पो.नि. श्रीराम पवार, पोउनि. चेतन मुंढे, सहा. पोउनि. सतिष जाधव, पो.हवा. राहुल सानप, पो.हवा. आरीफ पठाण, पो.हवा. पवन गवळी, पो.हवा. देवेंद्र ठाकुर, पो.कॉ. मयूर पाटील तसेच सहा. पोउनि. संजय पाटील, पो.कॉ. अमोल जाधव व चा. पो.हवा. कैलास महाजन यांनी सक्रिय सहभाग घेतला.
मुख्य संपादक – गणेश दगा पाटील.
