शिरपूर : माजी मंत्री आमदार अमरिशभाई पटेल व आमदार काशिराम दादा पावरा यांच्या पाठपुराव्यामुळे प्रधानमंत्री ग्राम सडक योजना अंतर्गत आदिवासी दुर्गम व ग्रामीण भागातील रस्त्यांसाठी 14 कोटी रुपये मंजूर झाले असून रस्त्यांच्या कामाला लवकरच सुरुवात होत आहे.
माजी मंत्री अमरिशभाई पटेल व आमदार काशिराम पावरा यांच्या सातत्यपूर्ण पाठपुराव्यामुळे प्रधानमंत्री ग्राम सडक योजना अंतर्गत शिरपूर तालुक्यातील आदिवासी, दुर्गम व ग्रामीण भागातील विविध रस्त्यांच्या विकासकामांसाठी सुमारे 14 कोटी 8 लाख 52 हजार रुपयांचा निधी मंजूर करण्यात आला आहे. या रस्त्यांच्या कामांना लवकरच प्रारंभ होणार असल्याने परिसरातील नागरिकांमध्ये समाधानाचे वातावरण आहे.
याबाबत प्रधानमंत्री ग्राम सडक योजना, भारत सरकार यांच्या पत्रान्वये अधिकृत आदेश प्राप्त झाले आहेत. या निधीतून अनेक दुर्गम पाड्यांना मुख्य रस्त्यांशी जोडणारे महत्त्वाचे मार्ग विकसित होणार असून ग्रामस्थांची दळणवळणाची सुविधा अधिक सक्षम होणार आहे.
शिरपूर तालुक्यातील जगदिश पाडा (खंबाळे) येथील 4.02 कि.मी. लांबीच्या रस्त्यासाठी 4 कोटी 49 लाख 18 हजार रुपये, नागेश्वर ते सोज्यापाडा येथील 3.01 किमी लांबीच्या रस्त्यासाठी 4 कोटी 42 लाख 99 हजार रुपये, ईगन्यापाडा (फत्तेपूर फॉरेस्ट) येथील 1.65 किमी लांबीच्या रस्त्यासाठी 2 कोटी 3 लाख 6 हजार रुपये, शेमल्या ते हनुमानपाडा येथील 1.70 किमी लांबीच्या रस्त्याच्या कामासाठी 1 कोटी 88 लाख 15 हजार रुपये, रामपुरापाडा ते धरमपुरा येथील 1.08 किमी लांबीच्या रस्त्यासाठी 1 कोटी 25 लाख 14 हजार रुपये असा एकूण 14 कोटी 8 लाख 52 हजार रुपये निधी मंजूर झाला आहे.
माजी मंत्री आ. अमरिशभाई पटेल व आ. काशिराम दादा पावरा यांच्या प्रयत्नांमुळे शिरपूर मतदारसंघात मोठ्या प्रमाणावर विकासकामांना गती मिळत असून ग्रामीण व आदिवासी भागाचा कायापालट होत असल्याची भावना सर्वत्र व्यक्त होत आहे.
मुख्य संपादक – गणेश दगा पाटील.
