धुळे : जिल्ह्यात लवकरच निवडणुका जाहीर होण्याची शक्यता लक्षात घेऊन धुळे जिल्हा पोलिस प्रशासनाने कायदा व सुव्यवस्था अबाधित ठेवण्यासाठी तयारी अधिक गडद केली आहे. निवडणूक काळात काही समाजकंटक व गंडांमार्फत ‘मसल पॉवर’चा वापर करून मतदारांमध्ये दहशत निर्माण करण्याचा प्रयत्न होत असल्याच्या पूर्वानुभवांच्या पार्श्वभूमीवर पोलिसांनी विशेष मोहीम राबविली आहे.
जिल्ह्यातील सर्व १७ पोलिस ठाण्यांनी त्यांच्या हद्दीतील जिम, व्यायामशाळा, आखाडे, तसेच बाउंसर व्यावसायिक आणि बॉडीबिल्डर यांना बोलावून स्पष्ट सूचना दिल्या आहेत.
पोलिस प्रशासनाने दिलेल्या प्रमुख सूचना अशा—
समाजात दहशत निर्माण करणारी कोणतीही हालचाल किंवा कृती करू नये.
गुंड किंवा गुन्हेगारांना साथ देत शक्तीप्रदर्शन करू नये.
सार्वजनिक ठिकाणी अयोग्य वर्तन, दडपशाही करणारी वक्तव्ये किंवा वागणूक टाळावी.
अवैध बॅनर, पोस्टर किंवा इतर माध्यमांद्वारे दडपण आणण्याचा प्रयत्न करू नये.
भारतीय न्याय प्रक्रिया संहितेतील कलम १७८ (BNS) नुसार संबंधित व्यक्तींना नोटिसा देण्यात आल्या असून नियमभंग करणाऱ्यांवर कठोर कारवाई केली जाईल, असा इशारा पोलिसांनी दिला आहे.
जिल्ह्यातील शांतता, कायदा व सुव्यवस्था कायम ठेवणे आणि नागरिकांना निर्भय वातावरणात मतदानाचा अधिकार वापरता यावा, हा या कारवाईचा मुख्य उद्देश असल्याचे पोलिसांनी स्पष्ट केले आहे.
मुख्य संपादक – गणेश दगा पाटील.
