धुळे | राज्यात मंकीपॉक्सचा पहिला रुग्ण धुळे जिल्ह्यात आढळल्याने आरोग्य यंत्रणेत खळबळ उडाली आहे. संबंधित रुग्णावर हिरे वैद्यकीय महाविद्यालयात तातडीने उपचार सुरू करण्यात आले आहेत. सध्या त्याची प्रकृती स्थिर असल्याची माहिती वैद्यकीय अधिकाऱ्यांनी दिली आहे.
मिळालेल्या माहितीनुसार, रुग्णाला ताप, अंगदुखी आणि त्वचेवर पुरळ अशी प्राथमिक लक्षणे दिसल्याने त्याची तपासणी करण्यात आली. चाचणीत मंकीपॉक्सचा संसर्ग असल्याचे निष्पन्न झाले. यानंतर आरोग्य विभागाने तत्काळ संपर्कात आलेल्या व्यक्तींचा शोध घेऊन त्यांची तपासणी सुरू केली आहे.
या पार्श्वभूमीवर जिल्हा प्रशासन व आरोग्य यंत्रणा अलर्ट मोडवर असून, परिस्थितीवर बारकाईने लक्ष ठेवले जात आहे. नागरिकांनी घाबरून न जाता आरोग्य विभागाच्या सूचनांचे पालन करावे, असे आवाहन करण्यात आले आहे.
मुख्य संपादक – गणेश दगा पाटील.
