श्री. अजय देवरे यांनी आज अपर पोलिस अधीक्षक पदाचा कार्यभार औपचारिकरित्या स्वीकारला. २०१०च्या सरळ सेवा भरतीतील अधिकारी असलेल्या श्री. देवरे यांची प्रशासकीय आणि पोलिस खात्यातील सेवा उल्लेखनीय आहे.
यापूर्वी त्यांनी गोंदिया, संगमनेर, नाशिक आणि लातूर या ठिकाणी विविध जबाबदाऱ्या सांभाळल्या आहेत. त्या काळात त्यांनी गुन्हेगारी नियंत्रण, कायदा-सुव्यवस्था राखणे आणि जनतेशी सुसंवाद साधणे या बाबतीत विशेष कामगिरी बजावली आहे.
कार्यभार स्वीकाऱ्याच्या वेळी त्यांनी अधिकाऱ्यांशी संवाद साधत सहकार्याची अपेक्षा व्यक्त केली. नवीन कार्यक्षेत्रात लोकांच्या विश्वासास पात्र ठरून काम करण्याचा त्यांनी निर्धार व्यक्त केला.
श्री. देवरे यांच्या नेतृत्वाखाली स्थानिक पोलिस प्रशासन अधिक सक्षम व प्रभावी होईल, असा विश्वास व्यक्त केला जात आहे.
मुख्य संपादक – गणेश दगा पाटील.
