शिरपूर-वरवाडे नगरपरिषद सार्वत्रिक निवडणुकीत आज दुपारी 3 वाजेपर्यंत झालेल्या माघारी प्रक्रियेनंतर राजकीय मैदानातील अंतिम सामना स्पष्ट झाला आहे. गेल्या काही दिवसांपासून सुरू असलेल्या अर्ज दाखल, छाननी आणि माघारी या तिन्ही टप्प्यांनी अनेक राजकीय उलथापालथी पाहिल्या. शेवटी उमेदवारी माघारीच्या मुदतीसह लढत किती रंगणार आहे, याचे स्पष्ट चित्र समोर आले आहे.
नगराध्यक्ष पदावर थरार : BJP विरुद्ध शिवसेना (शिंदे गट) ‘प्रतिष्ठेची लढत’
नगराध्यक्ष पदासाठी यंदाची लढत अत्यंत नाट्यमय व ऐतिहासिक ठरणार आहे. अनेक उमेदवारांच्या माघारीमुळे आता हे पद फक्त भारतीय जनता पक्ष आणि शिवसेना शिंदे गट यांच्यातील थेट द्वंद्वावर स्थिरावले आहे. या दोन पक्षांनीही आपल्या प्रतिष्ठेचा प्रश्न बनवून सर्व ताकद लावण्यास सुरुवात केली आहे. प्रभागनिहाय समीकरणे, जातीय राजकारण, स्थानिक नेतृत्वाची पकड व नेत्यांची प्रतिमा या सर्व गोष्टींची कसोटी या निर्णायक लढतीत लागणार आहे.
32 सदस्य पदांमध्ये सरळ, तिरंगी आणि चौरंगी स्पर्धेचा मिलाफ
माघारीनंतर प्रभागनिहाय स्थिती पुढीलप्रमाणे आहे :
● 23 जागांवर सरळ लढत — ‘सीधे मुकाबला!’
या प्रभागांत फक्त दोनच उमेदवार रिंगणात राहिल्याने सरळ दोन पक्षांमध्ये थेट लढत पाहायला मिळणार आहे. या प्रभागांमध्ये स्थानिक पातळीवरील गटबाजी, प्रतिमा आणि कार्यकर्त्यांची पकड निर्णायक ठरणार आहे.
● 9 जागांवर तिरंगी व चौरंगी बहुरंगी लढती
काही ठिकाणी तीन तर काही ठिकाणी चार उमेदवार रिंगणात असल्याने स्पर्धेचा थरार वाढला आहे. या बहुरंगी लढतींमध्ये अल्पफरकाने मतांची विभागणी होण्याची शक्यता असल्याने कोणतीही जागा कोणाच्या पिशवीत जाणार – हे मतदान होईपर्यंत अस्पष्टच राहणार आहे.
पक्षनिहाय उमेदवारांची स्थिती — 72 जण रिंगणात
निवडणूक रिंगणात अंतिमतः पुढील पक्षांचे इतक्या संख्येने उमेदवार आहेत :
भारतीय जनता पक्ष (BJP) – 33
शिवसेना (शिंदे गट) – 27
काँग्रेस – 5
राष्ट्रवादी काँग्रेस (अजित पवार गट) – 4
ए.एम.आय – 3
शिवसेना (उद्धव बाळासाहेब ठाकरे गट) – 1
कम्युनिस्ट पक्ष – 1मुख्य लढत मात्र बहुतांश ठिकाणी BJP आणि शिवसेना शिंदे गटामध्येच रंगणार असल्याचे राजकीय तज्ञांचे विश्लेषण आहे. काँग्रेस, राष्ट्रवादी, कम्युनिस्ट आणि एएमआय काही ठिकाणी मुकाबला देत असले तरी प्रभाव सर्वाधिक या दोन पक्षांचा दिसतोय.
राजकीय हालचालींना वेग — प्रचारयुद्ध पेटले
माघारीनंतर गतिमान झालेली राजकीय परिस्थिती आता संपूर्ण शहरात तापू लागली आहे.
पक्षातील प्रमुख नेत्यांची धावपळ वाढली आहे
कार्यकर्त्यांच्या मोठ्या बैठका सुरू झाल्या आहेत
सोशल मीडियावर प्रचार मोहिमा जोर धरू लागल्या आहेत
प्रभागांत घराघरांत जाऊन मतदारांशी संपर्क मोहिमाही वेगात सुरू
स्थानीक पातळीवर गटबाजी, कार्यकर्त्यांचा जम बसवणे, मतदार संघटन करणे यांची चुरस शिगेला पोहोचली आहे.
2 डिसेंबरला मतदान — सर्वांचे लक्ष मतदानावर
आता निवडणूक प्रचाराचा कळस गाठताना सर्वांचे लक्ष 2 डिसेंबर 2025 रोजी होणाऱ्या मतदानावर केंद्रित झाले आहे. मतमोजणी 3 डिसेंबरला तर निकाल कोणत्या पक्षाच्या बाजूने झुकतील, यावर संपूर्ण जिल्ह्याचे लक्ष केंद्रित आहे.
मुख्य संपादक – गणेश दगा पाटील.
