धुळे काल धुळे कोर्टात NDPS कायद्यांतर्गत अटकेत असलेला आरोपी अकबर जलेला उर्फ अकबर अली कैसर अली शाह याला सिगारेट ओढण्याची मुभा दिल्याप्रकरणी तीन पोलीस कर्मचाऱ्यांना निलंबित करण्यात आले आहे. या घटनेचा फोटो सोशल मीडियावर व्हायरल झाल्यानंतर पोलीस दलाची प्रतिमा मलीन झाल्याने ही कारवाई करण्यात आली आहे.
मिळालेल्या माहितीनुसार, अकबर जलेला (गु.र.नं. ००१८/२०२५) याला काल न्यायालयात जामीन सुनावणीसाठी हजर करण्यात आले होते. याच दरम्यान, कोर्ट आवारातच त्याला सिगारेट ओढू दिल्याचा फोटो व्हायरल झाला, ज्यामुळे पोलीस खात्यावर गंभीर प्रश्नचिन्ह निर्माण झाले.
या प्रकरणात कर्तव्यात गंभीर दुर्लक्ष केल्याबद्दल पोलीस शिपाई राहुल जगताप (बक्कल नंबर १२०९), पोलीस शिपाई वसीम शेख इक्बाल (बक्कल नंबर ६०५) आणि हेड कॉन्स्टेबल महेंद्र जाधव (बक्कल नंबर १०२७) यांना निलंबित करण्यात आले आहे. पोलीस विभागाने या प्रकरणाची गंभीर दखल घेतली असून, तिघांनाही तात्काळ निलंबित करून विभागीय चौकशीचे आदेश दिले आहेत.
मुख्य संपादक – गणेश दगा पाटील.
