शिरपूर : शहरातील नागरिकांसाठी शॉपिंग, खाद्यपदार्थ आणि मनोरंजनाची अनोखी मेजवानी घेऊन “माय होम शिरपूर फेस्टिव्हल 2026” हा भव्य महोत्सव लवकरच रंगणार आहे. लायन्स क्लब इंटरनॅशनल, शिरपूर यांच्या वतीने आयोजित हा बहुप्रतिक्षित फेस्टिव्हल 6 ते 9 मार्च 2026 दरम्यान आयोजित करण्यात आला असून, शहरातील नागरिकांसाठी हा चार दिवसांचा आनंदोत्सव ठरणार आहे.
या फेस्टिव्हलमध्ये 100 हून अधिक स्टॉल्स, विविध प्रकारचे चविष्ट फूड स्टॉल्स, मनसोक्त शॉपिंग, गेम्स, स्पर्धा आणि भरपूर फुल एंटरटेनमेंटची रेलचेल असणार आहे. त्यामुळे शिरपूरकरांसह परिसरातील नागरिकांना खरेदी, खवय्येगिरी आणि कुटुंबासोबत आनंदी क्षण घालवण्याची सुवर्णसंधी मिळणार आहे.
हा महोत्सव दररोज सायंकाळी 4 ते रात्री 10 या वेळेत आयोजित करण्यात येणार असून, खरेदी विक्री संघ पटांगण, टीएमसी शेडच्या शेजारी, शंकुतला लॉन समोर, शिरपूर येथे हा रंगतदार सोहळा पार पडणार आहे.
फेस्टिव्हलमध्ये विविध व्यावसायिकांचे स्टॉल्स, आकर्षक ऑफर्स, लकी ड्रॉ, मनोरंजन कार्यक्रम तसेच मुलांसाठी खास गेम झोनचीही व्यवस्था करण्यात आली आहे. त्यामुळे खवय्ये, शॉपिंगप्रेमी आणि बालगोपाळांसाठी हा महोत्सव म्हणजे खऱ्या अर्थाने आनंदाची पर्वणी ठरणार आहे.
या भव्य फेस्टिव्हलसाठी पुष्प ब्रँड, हिरो, आकाश, रायझिंग सोलार यांसारख्या विविध संस्थांचे सहकार्य लाभले आहे. तसेच अनेक व्यावसायिक व शैक्षणिक भागीदारही या उपक्रमात सहभागी झाले आहेत.
लायन्स क्लब शिरपूरच्या वतीने शहरातील सर्व नागरिकांना या भव्य **“माय होम शिरपूर फेस्टिव्हल 2026”**ला मोठ्या संख्येने उपस्थित राहून आनंद लुटण्याचे आवाहन करण्यात आले आहे.
मुख्य संपादक – गणेश दगा पाटील.
