शिरपूर (प्रतिनिधी):
शिरपूर तालुक्यात अंमली पदार्थांविरोधात पोलिसांनी मोठी व धक्कादायक कारवाई करत गांजाच्या बेकायदेशीर शेतीचा पर्दाफाश केला आहे. महादेव दोंदवाडा गावाच्या शिवारात सुरू असलेल्या या अवैध धंद्यावर छापा टाकून पोलिसांनी तब्बल ८२० किलो वजनाचा, सुमारे ४१ लाख रुपये किंमतीचा गांजा जप्त केला असून, या प्रकरणी एक आरोपी ताब्यात घेण्यात आला आहे.दि. १४ फेब्रुवारी २०२६ रोजी दुपारी १२.०० वाजता, पोलीस निरीक्षक जयपाल हिरे यांना गुप्तबातमीदारामार्फत खात्रीशीर माहिती मिळाली की, महादेव दोंदवाडा शिवारात एका शेतात प्रतिबंधित गांजाची लागवड करून त्याचे संगोपन व विक्रीसाठी तयारी सुरू आहे.
सदर माहिती तात्काळ श्रीकांत धिवरे, पोलीस अधीक्षक, धुळे यांना कळवून छापा कारवाईचे आदेश घेण्यात आले. शेतात पायी जाऊन थरारक छापापंच, वजनकाटाधारक, फोटोग्राफर व पोलीस पथकासह गावापासून सुमारे २ किलोमीटर अंतरावर असलेल्या शेतात व नाल्यातून पायी मार्ग काढत छापा टाकण्यात आला. तेथे फुले व बोंडे असलेली मोठ्या प्रमाणावर गांजाची झाडे आढळून आली.
शेतात उपस्थित इसमाने आपले नाव राशा समदा पावरा (वय ५०) असल्याचे सांगत शेती स्वतःच्या मालकीची असल्याची कबुली दिली. ४१ लाखांचा मुद्देमाल जप्त एकूण गांजा : ८२० किलोअंदाजे दर : ₹५,००० प्रति किलोएकूण किंमत : ₹४१,००,०००/-सदर गांजाची झाडे जप्त करून आरोपीस ताब्यात घेण्यात आले आहे. गुन्हा दाखल, तपास सुरूया प्रकरणी शिरपूर तालुका पोलीस स्टेशन येथे विविध रित्या गुन्हा दाखल करण्यात आला असून पुढील तपास पोलीस निरीक्षक जयपाल हिरे करीत आहेत. वरिष्ठांची घटनास्थळी भेटया गंभीर गुन्ह्याच्या ठिकाणी पोलीस अधीक्षक श्रीकांत धिवरे यांनी स्वतः भेट देऊन पाहणी केली. ही कारवाई यांनी केली पोलीस अधीक्षक श्रीकांत धिवरे श्रीअजय देवरे, अपर पोलीस अधीक्षक, धुळे व सुनील गोसावी, उपविभागीय पोलीस अधिकारी, शिरपूर विभाग यांच्या मार्गदर्शनाखाली पोलीस निरीक्षक श्री. जयपाल हिरे यांच्या नेतृत्वाखाली पोलीस उपनिरीक्षक श्री. सुनील वसावे, तसेच श्री. संतोष पाटील, जाकीरोद्दीन शेख, श्री. जगन्नाथ सोगनाथ कोळी, श्री. राजू दिसले, श्री. विजय डिवरे, श्री. स्वप्नील वसंत बांगर, श्री. दिनकर नारायण पवार, श्री. वाला पुरोहित, श्री. अल्ताफ बेग, श्री. उस्मान बेग मिर्झा तसेच श्री. इसरार फारुकी यांनी मोलाची भूमिका बजावली.यशस्वीरीत्या पार पडली.
मुख्य संपादक – गणेश दगा पाटील.
